نیویارک: (دنیا نیوز) مسئلہ فلسطین، اقوام متحدہ کی جنرل اسمبلی نے دو ریاستی حل کی قرارداد منظور کر لی۔
دو ریاستی حل کے حق میں 142، مخالفت میں 10 ووٹ آئے، امریکا اور اسرائیل نے قرارداد پر ووٹنگ کا بائیکاٹ کیا۔
عرب میڈیا کے مطابق، سات صفحات پر مشتمل اقوام متحدہ (یو این) کا اعلامیہ جولائی میں سعودی عرب اور فرانس کی میزبانی میں ہونے والی بین الاقوامی کانفرنس کا نتیجہ ہے۔
خبر ایجنسی کے مطابق اسرائیل نے دو ریاستی حل سے متعلق اقوام متحدہ کے اعلامیے کو مسترد کر دیا ہے۔
دوسری جانب فلسطین کی وزارتِ خارجہ نے اقوام متحدہ کی جنرل اسمبلی میں دو ریاستی حل سے متعلق قرارداد کی بھاری اکثریت سے منظوری کا خیرمقدم کیا ہے۔
فلسطینی وزارت خارجہ کا کہنا ہے کہ فلسطین کی ریاست سعودی عرب اور فرانس کی شکر گزار ہے جنہوں نے بین الاقوامی کانفرنس کی صدارت کی اور نیویارک اعلامیے کو عملی منصوبے میں بدلنے کے لیے نمایاں کوششیں کیں۔
وزارت خارجہ نے کہا کہ اسرائیلی نوآبادیاتی قبضے کے خاتمے کے لیے تمام میکنزم کو فعال کیا جائے اور فلسطینی عوام کے جائز حقوق کو یقینی بنایا جائے۔
