انقلاب کی 47ویں سالگرہ پر ایرانی سپریم لیڈر آیت اللہ خامنہ ای اور ایرانی صدر مسعود پزشکیان نے بانی انقلاب امام خمینی کے مزار پر حاضری دی، اس موقع پر سپریم لیڈر نے امام خمینی کے پوتے حسن خمینی سے ملاقات کی، سپریم لیڈر نے امام خمینی کے مزار کے احاطے میں نماز بھی ادا کی۔

بعدازاں ایرانی صدر مسعود پزشکیان نے میڈیا سے گفتگو میں کہا کہ امریکی صدر ٹرمپ، نیتن یاہو اور یورپی لیڈر ایران میں افراتفری پھیلا رہے ہیں۔

ان کا کہنا تھا کہ ڈونلڈ ٹرمپ اور نیتن یاہو ایران کو ٹکڑے ٹکڑے کرنا چاہتے ہیں، ڈونلڈ ٹرمپ، نیتن یاہو اور یورپی لیڈر ایرانی معاشرے کی تقسیم چاہتے ہیں۔