ذرائع کے مطابق اس کیریئر اسٹرائیک گروپ کے ساتھ منسلک فضائی پلیٹ فارمز میں ایف پینتیس سی لائٹننگ ٹو، ایف اے/اٹھارہ سپر ہارنیٹ، ای اے/اٹھارہ جی گراؤلر، ای ٹو ڈی ہاک آئی اور ایم ایچ ساٹھ سی ہاک شامل ہیں، جو فضائی دفاع، حملہ، نگرانی اور سمندری آپریشنز میں استعمال ہوتے ہیں۔

خبر میں بتایا گیا ہے کہ اس طیارہ بردار جہاز کی حفاظت اور اسکارٹ کے لیے گائیڈڈ میزائل ڈسٹرائرز بھی ساتھ ہیں، جن میں یو ایس ایس سپروانس، یو ایس ایس مائیکل مرفی اور یو ایس ایس فرینک ای پیٹرسن جونیئر شامل ہیں۔

مبصرین کے مطابق عرب سمندر میں اس نوعیت کی بحری تعیناتی خطے میں سکیورٹی صورتحال، سمندری راستوں کے تحفظ اور سفارتی دباؤ کے تناظر میں ایک اہم اشارہ سمجھی جاتی ہے جبکہ آئندہ دنوں میں حالات کے مطابق مزید اقدامات یا سفارتی رابطوں میں تیزی بھی دیکھی جا سکتی ہے۔