غیر ملکی خبر ایجنسی کے مطابق متحدہ عرب امارات کی ریاست دبئی اور شارجہ سمیت دیگر علاقوں میں موسلا دھار بارشوں کا سلسلہ جاری ہے اور کئی علاقوں میں پانی کھڑا ہوگیا ہے۔

دبئی پولیس نے الرٹ جاری کرتے ہوئے عوام کو ہدایت کی ہے کہ بعض علاقوں میں ژالہ باری اور حدِ نگاہ میں کمی کا خدشہ ہے اس لیے غیر ضروری سفر سے گریز کیا جائے۔

دوسری جانب دبئی انتظامیہ کا کہنا ہے کہ موسم صبح تک غیر مستحکم رہے گا اور عوام انتہائی محتاط رہیں، بلا ضرورت گھروں سے باہر نہ نکلیں۔