برطانوی اخبار فنانشل ٹائمز کے مطابق امریکا نے یورپ میں اپنے اتحادی ملکوں سے کہا ہے کہ انہیں برآمد کیے جانے والے اسلحے کی ترسیل میں تاخیر ہو سکتی ہے کیوں کہ امریکی اسلحہ ایران کے خلاف جنگ میں استعمال ہو رہا ہے اور اس کے ذخائر تیزی سے ختم ہو رہے ہیں۔

اخبار فنانشل ٹائمز کے مطابق امریکی حکام نے برطانیہ، پولینڈ، لیتھوانیا اور ایسٹونیا کے حکام کو اسلحے کی ترسیل میں تاخیر سے آگاہ کیا ہے، جبکہ دوسری جانب امریکا نے قطر، کویت، متحدہ عرب امارات اور اسرائیل کو مزید اسلحہ اور فوجی آلات فروخت کرنے کی منظوری دی ہے، جس کی مالیت 8 ارب 60 کروڑ ڈالر بنتی ہے۔