کراچی ایئرپورٹ پر میڈیا سے گفتگو کرتے ہوئے ویوین رچرڈز کا کہنا تھا کہ پی ایس ایل کا فائنل دیکھنے میں مزہ آئے گا۔ کوئٹہ گلیڈی ایٹرز فائنل میں پہنچتی تو زیادہ خوشی ہوتی، امید ہے پاکستان میں بین الاقوامی کرکٹ بحال ہوگی اور اس سلسلے میں ویسٹ انڈیز کا دورہ پاکستان خوش آئند ہے۔ انہوں نے مزید کہا کہ پاکستان میں کرکٹ کے بہترین کھلاڑی موجود ہیں۔
دوسری جانب کراچی کنگز کے کپتان شاہد آفریدی بھی کراچی پہنچ چکے ہیں۔ انکا کہنا تھا کہ پی ایس فائنل کراچی کے عوام کے لیے بہت بڑی بات ہے۔ بہت خوش ہوں کہ کراچی میں کرکٹ واپس آرہی ہے۔ اپنے کراؤڈ کے سامنے کرکٹ کو مس کرتا ہوں۔ پشاور زلمی کی ٹیم بھی آج رات لاہور سے کراچی پہنچے گی۔
