ملتان: (دنیا نیوز) ملتان کے نجی بینک سے ڈاکو ایک کروڑ روپے سے زائد رقم لوٹ کر فرار، پولیس نے واردات کی سی سی ٹی وی فوٹیج حاصل کر کے کارروائی شروع کر دی۔
انڈسٹریل سٹیٹ کے علاقے میں نجی بینک میں 4 مسلح ڈاکوؤں نے دھاوا بول دیا اور مزاحمت کرنے والے گارڈ کو بندوق کا بٹ مار کر زخمی کر دیا۔ مسلح ڈاکو 20 منٹ بینک میں رہے اور عملے کو یرغمال بنا کر ایک کروڑ سے زائد رقم لوٹ کر فرار ہو گئے۔ واردات کے بعد پولیس نے موقع پر پہنچ کر سی سی ٹی وی فوٹیج قبضے میں لے کر تحقیقات شروع کر دی ہیں۔ پولیس حکام کے مطابق ملزمان کے خاکے تیار کر لیے گئے ہیں جلد ملزمان کو گرفتار کر لیا جائے گا۔
