فواد چوہدری نے اپیلیٹ ٹربیونل کا فیصلہ لاہور ہائیکورٹ میں چیلنج کیا تھا، درخواست میں موقف اختیار کیا گیا کہ اپیلٹ ٹربیونل نے حقائق کے برعکس کاغذات نامزدگی مسترد کیے، ٹربیونل کے مطابق بیرون ملک دوروں پر 32 لاکھ اخراجات اور اثاثہ جات کی تفصیلات فراہم نہیں کیں، کاغذات نامزدگی میں ایف بی آر کی مصدقہ کاپی ساتھ لف کی گئی تھی۔

 یاد رہے گزشتہ روز راولپنڈی کے الیکشن ٹربیونل نے تحریک انصاف کے ترجمان فواد چودھری کے این اے 67 جہلم سے کاغذات نامزدگی مسترد کئے تھے۔ جسٹس اینڈ ڈیمو کریٹک پارٹی کے امیدوار فخر عباس نے اعتراض دائر کیا تھا کہ فواد چودھری نے زرعی ٹیکس ادا نہیں کیا، ان کا شناختی کارڈ میں نام فواد احمد لکھا ہے، ٹربیونل نے انہیں آرٹیکل 62 ون اے کے تحت نااہل قرار دیا۔ فیصلے کے مطابق فواد چودھری کو اثاثے اور دوسری بیوی چھپانے پر نااہل قرار دیا گیا۔