تجارت
خلاصہ
- اسلام آباد (روزنامہ دنیا) چیئرمین ای او بی آئی اظہر حمید نے بتایا کہ پنشنرز کیلئے خوشخبری ہے کہ انہیں عید سے پہلے ایک پنشن اور واجبات ادا ہوں گے ۔ عید سے پہلے 8500 پنشن اور 6000 روپے واجبات کی مد میں ادا کیے جائیں گے۔
انہوں نے کہا کہ یکم ستمبر سے پنشنرز یوٹیلٹی سٹور سے 10 فیصد رعایت پر آٹا، چینی، چاول ، گھی اور دالیں خرید سکیں گے۔
اظہر حمید نے بتایا کہ پنشن گھر پہنچانے اور پنشنرز انشورنس پرکام ہورہا ہے ، ای او بی آئی کی ڈیجیٹلائزیشن دو سال میں مکمل ہوگی۔
انہوں نے کہا سرینا ہوٹل ، اوآئی سی ٹاور، آئی ایٹ اور جوہر ٹاؤن لاہور کے منصوبے فعال کررہے ہیں، چار منصوبوں سے تین سے چار ارب رینٹل آمدنی ہوگی، ایمپلائرز اور ایمپلائیز کا حصہ ایک ایک فیصد بڑھانے کی تجویز ہے ۔
