تازہ ترین
  • بریکنگ :- ملکہ برطانیہ الزبتھ دوئم کی طبیعت ناساز،بدھ کی رات اسپتال میں گزاری
  • بریکنگ :- 95سالہ ملکہ کا چیک اپ اور مختلف ٹیسٹ کیے گئے،بکنگھم پیلس
  • بریکنگ :- ملکہ کی صحت بہتر ہے اوروہ خود کو اچھا محسوس کررہی ہیں،بکنگھم پیلس
  • بریکنگ :- ڈاکٹرز نےملکہ الزبتھ کو کچھ روز آرام کی تجویز دی ہے،بکنگھم پیلس

ڈالر مزید مہنگا، 166 روپے کی حد بھی عبور، سٹاک مارکیٹ میں تیزی

Published On 31 August,2021 04:09 pm

لاہور: (ویب ڈیسک) ملک بھر میں روپے کے مقابلے میں امریکی ڈالر کی قدر 166 روپے سے تجاوز کر گئی۔

سٹیٹ بینک آف پاکستان کی سماجی رابطے کی ویب سائٹ ٹویٹر پر جاری کردہ اعداد و شمار کے مطابق رواں ہفتے کے دوسرے کاروباری روز کے دوران انٹر بینک میں روپے کے مقابلے میں امریکی ڈالر کی قیمت میں مزید 43 پیسے کا اضافہ دیکھا گیا اور قیمت 165 روپے 96 پیسے سے بڑھ کر 166 روپے 39 پیسے ہو گئی ہے۔

یاد رہے کہ گزشتہ روز بھی انٹر بینک میں امریکی ڈالر 34 پیسے مہنگا ہو گیا تھا اور قیمت 165 روپے 92 پیسے سے بڑھ کر 165 روپے 96 پیسے ہو گئی تھی۔

دوسری طرف پاکستان سٹاک مارکیٹ میں غیر یقینی صورتحال کے باعث اُتار چڑھاؤ دیکھنے کو ملا، 100 انڈیکس 54.04 پوائنٹس کی تیزی کے بعد 47419.74 پوائنٹس کی سطح پر بند ہوا۔ پور ےکاروباری روز کے دوران کاروبار میں 12 کروڑ 84 لاکھ 99 ہزار 683 شیئرز کا لین دین ہوا۔