کراچی: (دنیا نیوز) سٹیٹ بینک آف پاکستان نے شرح سود مزید ایک فیصد بڑھا دی، جس کے بعد ملک میں شرح سود 22 فیصد تک پہنچ گئی۔
سٹیٹ بینک آف پاکستان کی مانیٹری پالیسی کمیٹی کا اجلاس ہوا جس میں شرح سود ایک فیصد بڑھانے کا فیصلہ کیا گیا۔
— SBP (@StateBank_Pak) June 26, 2023
سٹیٹ بینک کی جانب سے جاری اعلامیے میں کہا گیا ہے گزشتہ اجلاس سے اب تک ملک میں مہنگائی میں اضافے کے خطرات میں اضافہ ہوا ہے جس کی سدباب کیلئے شرح سود میں ایک فیصد اضافہ کرنے کا فیصلہ کیا گیا۔
یہ بھی پڑھیں: معاشی نظام کو سود سے پاک کرنے کیلئے کوشاں ہیں: اسحاق ڈار
مانیٹری پالیسی کمیٹی کے مطابق یہ مہنگائی میں اضافے کے خطرات مالیاتی اور بیرونی سیکٹرز میں اصلاحاتی اقدامات کے نفاذ کی وجہ سے ہیں جو آئی ایم ایف کے جاری پروگرام کی تکمیل کیلئے ضروری ہیں۔