کراچی: (دنیا نیوز) قومی ایئر لائن پی آئی اے کا نیٹ ورک بحالی کی طرف گامزن ہے، پی آئی اے کی تربت کیلئے پروازیں دوبارہ شروع کردی گئیں۔
پی آئی اے ترجمان کے مطابق قومی ایئر لائن نے کراچی سے تربت کے لیے پروازیں 16 دسمبر سے شیڈول میں شامل کر دی ہیں، پی آئی اے ہفتہ وار دو پروازیں پیر اور بدھ کے دن آپریٹ کرے گی۔
ترجمان کا مزید کہنا تھا کہ پی آئی اے کے تربت اور گوادر آپریشن کو ازسر نو تقویت دی جارہی ہے، پی آئی اے کی تربت کے لیے پروازوں کے آغاز سے ملکی معیشت کیلئے انتہائی اہم سی پیک کے منصوبوں کو تقویت ملے گی۔
