کراچی: (دنیا نیوز) پاکستان سٹاک مارکیٹ میں انڈیکس ایک بار پھر ایک لاکھ 15 ہزار پوائنٹس کی حد پر بحال ہوگیا۔
کاروباری ہفتے کے چوتھے روز سٹاک ایکسچینج میں کاروبار کے آغاز پر ہی زبردست تیزی دیکھنے میں آئی۔
ٹریڈنگ کے دوران 1000 سے زائد پوائنٹس کے اضافے کے ساتھ پاکستان سٹاک مارکیٹ میں ہنڈرڈ انڈیکس ایک لاکھ 15 ہزار 247 پوائنٹس کی حد کو چھو گیا، سٹاک ایکسچینج میں کاروبار کے دوران 100 انڈیکس کی کم ترین سطح 1 لاکھ 14 ہزار 429 پوائنٹس رہی۔
تاہم کاروباری دن کے اختتام پر سٹاک مارکیٹ میں انڈیکس 1009 پوائنٹس کے اضافے کیساتھ 1 لاکھ 15 ہزار 94 پوائنٹس کی سطح پر بند ہوا۔
آج پاکستان سٹاک ایکسچینج میں 444 کمپنیوں میں سے 232 کمپنیوں کے شیئرز میں اضافہ ہوا جبکہ 156 کمپنیوں کے شیئرز میں کمی ہوئی، سٹاک مارکیٹ میں 38 کروڑ مالیت کے شیئرز کا کاروباری حجم 24 ارب روپے سے زائد رہا۔
واضح رہے کہ گزشتہ کاروباری دن کے اختتام پر 93 پوائنٹس کی کمی کے ساتھ پاکستان سٹاک ایکسچینج میں ہنڈرڈ انڈیکس ایک لاکھ 14 ہزار 84 پوائنٹس کی سطح پر بند ہوا تھا۔
