اسلام آباد: (مدثر علی رانا) ریکوڈک منصوبے کیلئے 6.4 ارب ڈالر کا فنانشل کلوژر آئندہ ماہ ہو گا، یو ایس ایگزم بینک، یو کے ایگزم بینک، عالمی بینک فنانشل کلوژر میں شامل ہیں۔
ذرائع کے مطابق وفاق، بلوچستان، ایشیائی ترقیاتی بینک بھی فنانشل کلوژر میں شامل ہیں، عالمی شراکت داروں سے قرض کی موڈیلیٹیز کو حتمی شکل دی جا رہی ہے، فنانشل کلوژر کے بعد سرمایہ کاری کا رخ پاکستان کی جانب سے بڑھے گا۔
ذرائع نے بتایا ہے کہ عالمی مالیاتی شراکت داروں سے تقریباً 3 ارب ڈالر کا پلان ہے، ریکوڈک کیلئے 3.4 ارب ڈالر وفاق کے ذمہ ہو گا، پٹرولیم ڈویژن وفاق کے 3.4 ارب ڈالر میں سے 1.7 ارب ڈالر بلوچستان کا ہے۔
اس حوالے سے ذرائع نے یہ بھی بتایا ہے کہ فنانشل کلوژر مکمل ہونے پر تقریباً 3 سال تک پروڈکشن شروع ہو سکے گی، پروڈکشن کے پہلے سال وفاق اور بلوچستان کو 3 ارب ڈالر ملنے کا تخمینہ ہے۔
