لاہور: (دنیا نیوز) حکومت نے پٹرولیم مصنوعات کی نئی قیمتوں کا اعلان کر دیا۔
وزارت خزانہ کی جانب سے جاری نوٹیفکیشن کے مطابق ہائی سپیڈ ڈیزل کی قیمت میں 3 روپے کمی کی گئی، پٹرول کی قیمت کو برقرار رکھا گیا ہے جبکہ لائٹ ڈیزل کی قیمت میں 2 روپے 40 پیسے کمی کی گئی۔
.jpg)
حکومت کی جانب سے آئندہ 15 روز کے لئے پٹرولیم مصنوعات کی فی لٹر قیمتیں مقرر کی گئی ہیں، پٹرول کی قیمت کو 264 روپے 61 پیسے برقرار رکھا گیا ہے۔
ہائی سپیڈ ڈیزل کی قیمت 3 روپے فی لٹر کی کمی کے بعد 269 روپے 99 پیسے فی لٹر ہوگئی، لائٹ ڈیزل آئل کی قیمت 2 روپے 40 پیسے کی کمی کے بعد 159 روپے 76 پیسے مقرر کی گئی ہے۔
مٹی کے تیل کی قیمت ایک روپے 46 پیسے کمی کے بعد 176 روپے 81 پیسے مقرر کی گئی ہے۔
وزارت خزانہ نے پٹرولیم مصنوعات کی قیمتوں میں ردوبدل کا نوٹیفکیشن بھی جاری کردیا، نئی قیمتوں کا اطلاق رات 12 بجے سے ہوگیا۔
