اسلام آباد: (ویب ڈیسک) نیشنل الیکٹرک پاور ریگولیٹری اتھارٹی (نیپرا) نے 3 سرکاری بجلی تقسیم کار کمپنیوں پر 14 کروڑ روپے کا جرمانہ عائد کر دیا۔
نیپرا کی جانب سے گوجرانوالہ الیکٹرک پاور کمپنی (گیپکو)، کوئٹہ الیکٹرک سپلائی کمپنی (کیسکو) اور فیصل آباد الیکٹرک سپلائی کمپنی (فیسکو) پر جرمانہ عائد کیا گیا ہے، ان کمپنیوں پر جرمانے کی وجہ 2023-24 کی ناقص کارکردگی بتائی گئی ہے۔
مذکورہ کمپنیوں پر اوور بلنگ، غلط رپورٹنگ اور وصولیوں میں بہتری نہ لانے کے الزامات ثابت ہوئے ہیں، تینوں کمپنیوں کو 15 دن میں جرمانہ جمع کروانے کی ہدایت بھی جاری کی گئی ہے۔
