اسلام آباد: (ویب ڈیسک) دنیا کی سب سے بڑی کرپٹو کرنسی بٹ کوائن کی قیمت ایک ساتھ بڑی کمی کے بعد 4 ماہ کی کم ترین سطح پر آگئی۔
بٹ کوائن کی قیمت 6.7 فیصد کمی کے بعد 99،936 ڈالر ریکارڈ کی گئی، گزشتہ 4 ماہ میں ایسا پہلی بار ہوا ہے کہ بِٹ کوائن ایک لاکھ ڈالر سے بھی نیچے آ گیا،بٹ کوائن کی قیمت گزشتہ ماہ ایک لاکھ 26 ہزار ڈالر تک پہنچ گئی تھی جس کے بعد سے مارکیٹ میں اب تک تقریباً مجموعی طور 20 فیصد سے زائد کی کمی دیکھی گئی ہے۔
بٹ کوائن کے علاوہ دیگر ڈیجیٹل کرنسیوں کی قیمتوں میں بھی کمی ریکارڈ کی گئی ہے، ایتھیریم کی قیمت میں 10 فیصد جبکہ ایکس آر پی کی قدر میں 6 فیصد کمی ریکارڈ کی گئی، بٹ کوائن کی قدر میں کمی سے امریکی سٹاک مارکیٹس میں بھی مندی کا رجحان رہا، ایس اینڈ پی 500 انڈیکس 1.2 جبکہ نیسڈیک میں 2 فیصد کمی ریکارڈ کی گئی۔
امریکی میڈیا رپورٹس کے مطابق ڈیجیٹل کرنسیوں کی قدر میں حالیہ گراوٹ کی ایک بڑی وجہ سرمایہ کاروں کا بڑھتی ہوئی غیر یقینی صورت حال کے باعث محتاط رویہ اختیار کرنا ہے۔
