جنیوا: (دنیا نیوز) سوئٹزرلینڈ کے برفیلے میدان پر پہلے ٹی ٹونٹی میچ میں شاہد آفریدی کی رائلز الیون نے وریندرسہواگ کی ڈائمنڈز کو 6 وکٹوں سے شکست دیدی۔
انٹرنیشنل کرکٹرز کے سوئٹزرلینڈ میں برف کے میدان پر چوکے چھکے، شاہد آفریدی کی رائلز ٹیم نے میدان مار لیا۔ رائلز نے ڈائمنڈز کا 164 رنز کا ہدف چار وکٹوں پر عبور کیا۔
فاتح ٹیم کے اویس شاہ نے سات چھکوں کی مدد سے 74 رنز بنائے۔ آل راؤنڈر عبدالرزاق نے چار شکار کئے جبکہ دو کھلاڑیوں کو شعیب اختر نے ٹھکانے لگایا۔ دونوں ٹیموں کا دوسرا ٹی ٹونٹی میچ جمعے کو کھیلا جائے گا۔
