دبئی: (دنیا نیوز) ہانگ کانگ کی ٹیم نے ٹاس جیت کر پہلے بیٹنگ کا فیصلہ کیا اور سینتیس اعشاریہ ایک اوورز میں 116 رنز بنائے جسے پاکستانی ٹیم نے صرف دو کھلاڑیوں کے نقصان پر حاصل کر لیا۔
متحدہ عرب امارات کے شہر دبئی میں کھیلے جا رہے ایشیا کپ کے دوسرے میچ میں پاکستانی ٹیم نے اپنے مدمقابل ہانگ کانگ کو باآسانی شکست دے کر ٹورنامنٹ کا فاتحانہ آغاز کر دیا ہے۔
ہانگ کانگ کی ٹیم نے ٹاس جیت کر بیٹنگ کرنے کا فیصلہ کیا جو اس کیلئے نقصان دہ ثابت ہوا کیونکہ ان کا کوئی بھی کھلاڑی پاکستانی باؤلرز کی گیندوں کا سامنا نہیں کر سکا۔
ہانگ کانگ کی جانب سے نزاکت خان 13، کپتان انشومان راتھ 19، بابر حیات 7، کرسٹوفر کارٹر 2، کے ڈی شاہ 26، احسان خان صفر، اعزاز خان 17، میک سکاٹ صفر، احسن نواز 9 جبکہ تنویر افضل بھی بغیر کوئی رن بنائے پویلین لوٹے۔
پاکستان کی جانب سے عثمان خان نے 3، حسن علی اور شاداب خان نے دو، دو جبکہ فہیم اشرف نے ایک وکٹ حاصل کی۔
پاکستانی ٹیم کی جانب سے 117 رنز کے ہدف کا تعاقب کرنے کیلئے فخر زمان اور امام الحق میدان میں اترے۔ پاکستان کو پہلا نقصان فخر زمان کی صورت میں اٹھانا پڑا جو 24 رنز بنا کر کیچ آؤٹ ہو گئے۔ اس کے بعد دوسرے آؤٹ ہونے والے کھلاڑی بابر اعظم تھے جنہوں نے ون ڈے میں تیز تیز دو ہزار رنز بنانے والے دوسرے کھلاڑی کا اعزاز اپنے نام کیا۔
Congratulations to @babarazam258 on reaching 2,000 ODI runs! He reaches the milestone in 45 innings, the joint quickest for Pakistan alongside Zaheer Abbas! #PAKvHK #AsiaCup2018 pic.twitter.com/LBodTpPoFO
— ICC (@ICC) September 16, 2018
پاکستان کی جانب سے امام الحق 50 جبکہ شعیب ملک 9 رنز بنا کر ناٹ آؤٹ رہے، یوں پاکستان نے صرف 2 وکٹوں کے نقصان پر تیئس اعشاریہ چار اوور میں 120 رنز بنا کر فتح اپنے نام کی۔
ٹاس کے بعد گفتگو کرتے ہوئے قومی ٹیم کے کپتان سرفراز احمد کا کہنا تھا کہ ہانگ کانگ کوایشیا کپ کھیلنے پرمبارکباد دیتا ہوں ٹاس جیتتے تو پہلے بیٹنگ ہی کرتے، ہانگ کانگ کے خلاف پوری قوت کے ساتھ کھیلیں گے۔
Innings Break: Hong Kong - 116-10 (37.1 ov).
— PCB Official (@TheRealPCB) September 16, 2018
Full Scorecard: https://t.co/wjPou2wbU9 #PAKvHK #AsiaCup2018 #HarSaansMeinBolo pic.twitter.com/87T7tJxgKo
اس موقع پر کپتان ہانگ کانگ ٹیم کا کہنا تھا کہ کوالیفائنگ راؤنڈ جیتنے پر ٹیم پر اعتماد ہے، پاکستان مضبوط حریف ہے جس کیخلاف عمدہ کھیل کی کوشش کریں گے۔
