دبئی: (دنیا نیوز) آئی سی سی نے ٹیسٹ کی تازہ رینکنگ جاری کر دی، پاکستان کی ساتویں پوزیشن برقرار ہے، ٹاپ ٹین میں کوئی قومی بلے باز نہیں، بولنگ میں محمد عباس ایک درجے تنزلی کر کے آٹھویں نمبر پر پہنچ گئے۔
دبئی سے جاری ٹیسٹ رینکنگ کے مطابق آسٹریلیا کو 3 ریٹنگ پوائنٹ ملے جس سے کینگروز کی پانچویں پوزیشن برقرار ہے جبکہ ٹیم پاکستان ساتویں نمبر پر براجمان ہے۔ سری لنکن ٹیم کو 2 ریٹنگ پوائنٹ کی تنزلی کا سامنا کرنا پڑا، آئی لینڈرز چھٹے نمبر پر موجود ہیں۔
انفرادی رینکنگ میں بیٹنگ کے ٹاپ ٹین میں کوئی پاکستانی موجود نہیں، بولنگ میں محمد عباس ایک درجہ تنزلی سے آٹھویں نمبر کے بولر بن گئے۔
