کراچی: (دنیا نیوز) برطانوی نژاد پاکستانی باکسر عامرخان کو بھی پاکستان سپر لیگ کے سیزن فائیو کا پاکستان میں انعقاد کا شدت سے انتظار ہے، انہوں نے کراچی کنگز کو اپنی پسندیدہ ٹیم قرار دیا ہے۔
اپنے ایک وڈیو بیان میں عالمی باکسرعامرخان کا کہنا تھا کہ پی ایس ایل سیزن فائیو کا شدت سے انتظار کر رہا ہوں، پی ایس ایل کی تمام ٹیموں اور کھلاڑیوں کیلئے نیک خواہشات رکھتا ہوں۔
انہوں نے کہا کہ مجھے خوشی ہے کہ پی ایس ایل پاکستان میں ہو رہا ہے، پی ایس ایل میں میری پسندیدہ ٹیم کراچی کنگز ہے، امید ہے کراچی کنگز امیدوں پر پورا اترے گی۔ پی ایس ایل کا انعقاد پاکستان کے لئے بڑی کامیابی ثابت ہو گی، پاکستان کو انٹرنیشنل کرکٹ کی بہت ضرورت ہے۔
