تازہ ترین
  • بریکنگ :- اسلام آبادایک لاکھ 17 ہزار 436،گلگت بلتستان میں 10 ہزار 489 کیسز
  • بریکنگ :- 24 گھنٹےمیں کوروناکےمزید 7586 کیس رپورٹ،این سی اوسی
  • بریکنگ :- ملک بھرمیں کورونامریضوں کی تعداد 13لاکھ 67 ہزار 605 ہوگئی
  • بریکنگ :- ملک میں کوروناکےایکٹوکیسزکی تعداد 70 ہزار 263 ہوگئی،این سی اوسی
  • بریکنگ :- ملک بھرمیں 24 گھنٹےکےدوران کوروناسےمزید 20 اموات
  • بریکنگ :- ملک بھرمیں کوروناسےجاں بحق افرادکی تعداد 29 ہزار 97 ہوگئی
  • بریکنگ :- 24 گھنٹےمیں کوروناکے 647 مریض صحت یاب،این سی اوسی
  • بریکنگ :- کوروناسےصحت یاب افرادکی مجموعی تعداد 12 لاکھ 68 ہزار 245 ہوگئی
  • بریکنگ :- 24 گھنٹےکےدوران 58 ہزار 334 کوروناٹیسٹ کیےگئے
  • بریکنگ :- ملک بھرمیں 2 کروڑ 45 لاکھ 32 ہزار 952 کوروناٹیسٹ کیےجاچکے
  • بریکنگ :- کوروناسےمتاثر 1083 مریضوں کی حالت تشویشناک،این سی اوسی
  • بریکنگ :- پنجاب 4 لاکھ 62 ہزار 323،سندھ میں 5 لاکھ 23 ہزار 774 کیسز
  • بریکنگ :- خیبرپختونخواایک لاکھ 84 ہزار 455،بلوچستان میں 33 ہزار 910 کیس رپورٹ
  • بریکنگ :- آزادکشمیرمیں کورونامریضوں کی تعداد 35 ہزار 218 ہوگئی،این سی اوسی
  • بریکنگ :- ملک میں کورونامثبت کیسزکی شرح 13 فیصدرہی،این سی اوسی

پی ایس ایل 6 کا سنسنی خیز مقابلہ، لاہور قلندرز نے کراچی کنگز کو شکست دیدی

Published On 28 February,2021 11:04 pm

کراچی: (دنیا نیوز) نیشنل سٹیڈیم کراچی میں کھیلے گئے ٹی ٹونٹی میچ کے سنسنی خیز مقابلے میں لاہور قلندرز نے کراچی کنگز کو 6 وکٹوں سے شکست دے کر دیگر ٹیموں کیلئے خطرے کی گھنٹی بجا دی ہے۔

187 رنز کے تعاقب میں میدان میں اترنے والے لاہور قلندرز کے کپتان سہیل اختر اور جوئے ڈینلی بغیر کوئی رن بنائے آؤٹ ہوئے تو ساری ذمہ داری فخر زمان کے کندھوں پر آ گئی۔ تاہم فخر زمان نے کراچی کنگز کے باؤلرز کے دباؤ میں آئے بغیر بہت ذمہ داری سے بلے بازی کی۔

فخر زمان نے 54 گیندوں کا سامنا کرتے ہوئے 4 چھکوں اور 8 چوکوں کی مدد سے 83 رنز کی یادرگار اننگز کھیلی۔

وکٹ کی دوسری جانب بین ڈنک نے اپنی جارحانہ بلے بازی جاری رکھی اور ٹیم کو جیت کی جانب گامزن رکھا۔

میچ کے سیکنڈ لاسٹ اوور میں محمد عامر کی باؤلنگ انتہائی ناقص رہی۔ انہوں نے اپنے آخری اوور میں 20 رنز دے کر لاہور قلندرز کی جیت کی راہ ہموار کردی۔

فخر زمان کے آؤٹ ہونے کے بعد میدان میں آنے والے بلے باز ڈیوڈ وائسی نے میچ کے آخری اوور کی پہلی دو گیندوں پر لگاتار چھکے مار کر لاہور قلندرز کو اس سنسنی خیز میچ کا فاتح بنا دیا۔

بین ڈنک 57 جبکہ ڈیوڈ وائسی 31 رنز بنا کر ناٹ آؤٹ رہے۔ لاہور قلندرز نے 187 رنز کا ہدف صرف 4 وکٹوں کے نقصان پر حاصل کیا اور انیس اعشاریہ دو اوورز میں 189 رنز بنائے۔

اس سے قبل لاہور قلندرز کے کپتان سہیل اختر نے ٹاس جیت کر کراچی کنگز کو پہلے بیٹنگ کی دعوت دی تھی۔ کراچی کنگز نے مقررہ بیس اوورز میں 9 وکٹوں کے نقصان پر 186 رنز بنائے تھے۔

کراچی کنگز کی جانب سے شرجیل خان نے ایک بار پھر زبردست بیٹنگ کا مظاہرہ کیا۔ انہوں نے صرف 39 گیندوں پر 5 چوکوں اور 6 چھکوں کی مدد سے 64 رنز بنائے۔ دیگر بلے بازوں میں محمد نبی 57 رنز بنا کر نمایاں کھلاڑی رہے۔

لاہور قلندرز کی جانب سے شاہین شاہ آفریدی سب سے کامیاب باؤلر رہے جنہوں نے صرف 27 رنز دے کر کراچی کنگز کے 3 کھلاڑیوں کو آؤٹ کیا۔ حارث رؤف، احمد دانیال، ڈیوڈ وائس اور سامت پٹیل کے حصے میں ایک ایک وکٹ آئی۔