کراچی: (دنیا نیوز) پاکستان کپ ویمنز ون ڈے ٹورنامنٹ 9 ستمبر سے کراچی میں شروع ہو گا۔
پی سی بی کے مطابق 9 ستمبر سے کراچی میں شروع ہونے والے پاکستان کپ ویمنز ون ڈے کرکٹ ٹورنامنٹ میں روزانہ دو میچ کھیلے جائیں گے، ایونٹ میں4 ٹیموں کے مابین مجموعی طور پر 14 میچز کھیلے جائیں گے۔
گذشتہ برس ایونٹ میں تین ٹیموں نے شرکت کی تھی، پہلی مرتبہ ٹورنامنٹ کا حصہ بننے والی ٹیم اسٹرائیکرز کی قیادت کائنات امتیاز کے سپرد کی گئی ہے۔ ٹورنامنٹ کا فائنل 21 ستمبر کو نیشنل اسٹیڈیم کراچی میں کھیلا جائے گا۔
