لاہور:(دنیا نیوز)پاکستان کرکٹ ٹیم کے سابق کپتان وسیم اکرم نے بھی محسن پاکستان ڈاکٹر عبدالقدیر خان کی وفات پر دکھ کا اظہار کیا۔
سماجی رابطے کی ویب سائٹ ٹوئٹر پر پیغام جاری کرتے ہوئے سوئنگ کے سلطان وسیم اکرم نے کہا کہ محسن پاکستان ڈاکٹر عبدالقدیر خان کے انتقال کا سن کر بہت دکھ ہوا، مرحوم نے پاکستان کو ایٹمی قوت بنایا جس سے ملک کا دفاع مضبوط ہوا۔
سابق کپتان نے مزید لکھا کہ ڈاکٹر عبدالقدیر خان کرکٹ کے شوقین تھے ، اللہ انکی مغفرت کرے۔
— Wasim Akram (@wasimakramlive) October 10, 2021
واضح رہے کہ محسن پاکستان ڈاکٹر عبدالقدیر خان آج صبح 85برس کی عمر میں انتقال کرگئے تھے جن کو اسلام آباد کے قبرستان ایچ 8میں سپردخاک کردیا گیا ہے۔
