لاہور:(ویب ڈیسک)ٹی 20ورلڈ کپ کے 22ویں میچ میں آسٹریلیا نے سری لنکا کو7وکٹوں سے شکست دیدی ہے۔
دبئی انٹرنیشنل کرکٹ سٹیڈیم میں کھیلے جارہے میگا ایونٹ کے گروپ 1کے میچ میں آسٹریلیا کی کرکٹ ٹیم نے سری لنکا کے خلاف ٹاس جیت کر پہلے فیلڈنگ کافیصلہ کیاگیا تھا۔
سری لنکا نے پہلے بیٹنگ کرتے ہوئے آسٹریلیا کے خلاف 6وکٹوں کے نقصان پر 154رنز بنائے،کوشال پریرا اور اسالنکا 35،35رنز بناسکے جبکہ بھانوکا راجاپاکسا نے ناقابل شکست 33رنز بنائے،کینگروز کی جانب سے مچل سٹارک،پیٹ کمنز اور ایڈم زمپا نے 2،2کھلاڑیوں کو پویلین کی راہ دکھائی۔
155رنز ہدف کا تعاقب کینگروز نے کامیابی کے ساتھ 3وکٹوں کے نقصان پر حاصل کرلیا،ڈیوڈ وارنر نے سب سے زیادہ 65رنز بنائے جبکہ کپتان ایرون فنچ 37رنز بناکر نمایاں بیٹر رہے،سٹیو سمتھ28اورمارکس سٹوئنس16سکور بناکر ناقابل شکست رہے۔
