لاہور:(ویب ڈیسک)پاکستان نے بنگلہ دیش کے خلاف ٹی 20سیریز میں وائٹ واش کیا تو نا صرف پاکستانی شائقین کرکٹ نے اپنی ٹیم کی خوب حوصلہ افزائی کی بلکہ میزبان ملک کے شائقین نے گرین شرٹس سے محبت کا اظہار کرنے کے لئے سڑکوں کا رخ کیا۔
ہوا کچھ یوں کہ تیسرے اور آخری ٹی 20میچ میں پاکستان نے سنسنی خیز مقابلے کے بعد میزبان بنگلہ دیش کو 5وکٹوں سے شکست دیکر وائٹ واش کیا،اس سیریز کی سب سے خاص بات یہ رہی کہ بنگلہ دیشی شائقین کرکٹ میں خوب دلچسپی کا مظاہرہ کرتے ہوئے نا صرف اپنی بلکہ پاکستانی ٹیم کو بھی گراؤنڈ میں کافی سپورٹ کیا۔
Our fans from Bangladesh gathered on Pakistan team route to cheer team. #BANvPAK | #HarHaalMainCricket pic.twitter.com/7iPtjzL3wI
— Pakistan Cricket (@TheRealPCB) November 22, 2021
بنگلہ دیشی شائقین کی اس محبت کا اقرار پاکستان کرکٹ بورڈ کی جانب سے بھی کیا گیا اور سماجی رابطے کی ویب سائٹ ٹوئٹر پر ایک ویڈیو شیئر کی جس میں دیکھا جاسکتا ہے کہ پاکستان کرکٹ ٹیم گراؤنڈ سے ہوٹل کی طرف جارہی ہے اور سڑک پر ہر طرف بنگلہ دیشی عوام پاکستانی کرکٹرز سے اپنی محبت کے اظہار کے لئے سڑکوں پر موجود ہے۔
بنگلہ دیشی شائقین کرکٹ کی جانب سے پاکستانی کرکٹ ٹیم سے اس محبت کے اظہار کو سوشل میڈیا صارفین کی جانب سے خوب سراہا جارہا ہے۔
