تازہ ترین
  • بریکنگ :- کراچی کےمسائل حل کرنےکی کوشش کررہےہیں،اسدعمر
  • بریکنگ :- تاجروں سےحاصل ہونیوالےٹیکس سےملک کانظام چلتاہے،اسدعمر
  • بریکنگ :- وفاقی حکومت نےکراچی کوگرین لائن بس سروس دی،اسدعمر
  • بریکنگ :- کراچی سرکلرریلوےکامنصوبہ بھی وفاقی حکومت بنائی گی،اسدعمر
  • بریکنگ :- جوپوچھتےتھےتبدیلی کہاں ہےوہ گرین لائن بس میں سفرکریں،اسدعمر
  • بریکنگ :- جلدکراچی میں بھی عوام کوجدیدٹرین چلتی نظرآئےگی،اسدعمر
  • بریکنگ :- صوبےپروہ حکومت مسلط ہےجوکوئی کام نہیں کررہی،اسدعمر
  • بریکنگ :- پیپلزپارٹی کےپاس مقامی حکومت بچےگی نہ سندھ حکومت،اسدعمر
  • بریکنگ :- کراچی ٹرانسفارمیشن پلان میں شہرکوپانی پہنچانےکی ذمہ داری وفاق نےلی،اسدعمر
  • بریکنگ :- 2023 کےآخرسےپہلےکراچی کو 26 کروڑگیلن پانی فراہم کردیاجائےگا،اسدعمر
  • بریکنگ :- ہم تفریق پیداکرکےسیاست چمکانےوالےلوگ نہیں،اسدعمر
  • بریکنگ :- دسمبر 2022 میں مردم شماری کاحتمی اعلان کیاجاچکاہوگا،اسدعمر
  • بریکنگ :- مردم شماری میں کراچی کی آبادی کوپوراظاہرنہیں کیاجاتا،اسدعمر

چٹا گانگ ٹیسٹ کا پہلا دن ختم، بنگلا دیش نے 4 وکٹوں کے نقصان پر 253 رنز بنا لئے

Published On 26 November,2021 08:28 am

ڈھاکہ: (دنیا نیوز) پاکستان اور بنگلادیش کے درمیان ٹیسٹ سیریز کے پہلے میچ میں میزبان ٹیم نے دن کے اختتام پر 4 وکٹوں کے نقصان پر 253 رنز بنائے ہیں۔

ٹاس کی جیت بنگالی ٹائیگرز کے حصے میں آئی، کپتان مومن الحق نے پہلے بیٹنگ کا فیصلہ کیا۔ متحارب ٹیمیں چٹاگانگ کے ظہور احمد چوہدری کرکٹ سٹیڈیم میں معرکہ آرا ہیں۔ پہلی اننگز میں بنگلا اوپنرز سیف حسن اور شادمان اسلام کریز پر آئے تاہم شاہین باولرز نے انہیں ٹکنے نہ دیا۔ شاہین آفریدی نے شاندار باولنگ کرتے ہوئے  سیف حسن کو کیچ دینے پر مجبور کیا جسے عابد علی نے پکڑا، یوں محض 19 کے مجموعے پر حریف ٹیم کی پہلی وکٹ گرا دی۔ ان کے بعد نجم الحسن اور شادمان اسلام بھی زیادہ دیر نہ ٹک سکے اور محض 14، 14 رنز بنا کر پویلین لوٹ گئے۔ کپتان مومن الحق پرفارمنس دکھائے بغیر شاہین باولر ساجد خان کا نشانہ بنے، وہ 6 رنز سے آگے نہ بڑھے۔

لٹن داس اور مشفق الرحیم نے آ کر ٹیم کو سنبھالا دیا، انہوں نے طویل شراکت داری میں پہلے دن کے اختتام تک مجموعی سکور 253 تک پہنچا دیا۔ لٹن نے 1 چھکے اور 11 چوکوں کی مدد سے سنچری مکمل کرتے ہوئے 113 رنز بنائے جبکہ مشفق الرحیم 82 رنز پر ناٹ آوٹ ہیں۔

آج کے میچ میں بنگلا دیش کے یاسر علی جبکہ پاکستان کی جانب سے عبداللہ شفیق نے ٹیسٹ ڈیبیو کیا، کپتان بابر اعظم نے عبداللہ کو گرین کیپ پہنائی۔

طویل دورانیے کی کرکٹ میں بھی ٹیم پاکستان کو واضح برتری حاصل ہے، اب تک کھیلے جانے والے گیارہ میچز میں سے دس مرتبہ جیت شاہینوں کا مقدر بنی جبکہ ایک میچ بے نتیجہ ختم ہوا، بنگال ٹائیگرز تاحال اپنی پہلی فتح کے منتظر ہیں۔

سیریز کے آغاز سے قبل بنگلا دیشی ٹیم کودو بڑے دھچکے لگے، سٹار آل راؤنڈر شکیب الحسن ہمیسٹرنگ انجری کے باعث سیریز سے باہر ہو گئے۔
چھوٹے فارمیٹ کے کپتان محمود اللہ نے بھی ٹیسٹ کرکٹ کو خیر باد کہہ دیا۔