خلاصہ
- بنگلورو: (ویب ڈیسک) شاہین شاہ آفریدی نے ورلڈ کپ 2023 میں سب سے کم رنز دیکر پانچ وکٹیں لینے والے پہلے بولر کا اعزاز حاصل کرلیا۔
پاکستانی فاسٹ بولر شاہین شاہ آفریدی نے ورلڈ کپ 2023 میں پانچ وکٹیں لینے کا اعزاز آسٹریلیا کے ساتھ کھیلے جانے والے ورلڈکپ کے 18ویں میچ میں حاصل کیا۔
انہوں نے بنگلورو سٹیڈیم میں آسٹریلیا کے خلاف اپنے 10 اوورز میں 54 رنز دے کر پانچ وکٹیں حاصل کیں، اس سے قبل نیوزی لینڈ کے سپنر مچ سینٹنر نے بھی نیدرلینڈز کے خلاف پانچ وکٹیں حاصل کیں تاہم انہوں نے 59 رنز دیے جبکہ شاہین نے 54 رنز دے کر پانچ وکٹیں حاصل کیں۔
— Pakistan Cricket (@TheRealPCB) October 20, 2023
تیسرے نمبر پر بھارتی بولر جسپرت بمرا کا نمبر ہے جنہوں نے افغانستان کے خلاف 39 رنز دے کر چار وکٹیں حاصل کیں، چوتھی پوزیشن انگلش بولر ریس ٹوپلے کی ہے جنہوں نے بنگلا دیش کے خلاف میچ میں 43 رنز دے کر چار وکٹیں حاصل کیں، پانچویں پوزیشن پر آسٹریلوی بولر ایڈم زمپا ہے جنہوں نے سری لنکا کے خلاف میچ میں 47 رنز دے کر چار وکٹیں حاصل کیں۔
