قومی ٹیم کے فاسٹ باؤلر شاہین آفریدی تیز ترین 100 وکٹیں لینے والے باؤلروں کی فہرست میں شامل ہو گئے ہیں۔

پاکستانی باؤلر نے 51 میچز میں 100 ون ڈے وکٹیں مکمل کیں جبکہ مچل سٹارک نے 52 میچز میں 100 وکٹیں مکمل کی تھیں۔

شاہین آفریدی 100 وکٹیں لینے والے تیز ترین پاکستانی بھی بن گئے ہیں، انہوں نے یہ اعزاز ورلڈ کپ میں بنگلادیش کے خلاف میچ میں حاصل کیا جس میں انہوں نے اپنے پہلے ہی اوور میں بنگلادیشی اوپنر تنزید حسن کو صفر پر آؤٹ کر دیا تھا۔

— Pakistan Cricket (@TheRealPCB) October 31, 2023

ثقلین مشتاق نے یہ سنگ میل 53 ون ڈے میچز میں عبور کیا تھا، نیپال کے سندیپ لمیچانے نے 42 اور افغانستان کے راشد خان نے 44 میچز میں یہ کارنامہ انجام دیا تھا، مجموعی طور پر شاہین تیز ترین 100 وکٹیں لینے والے تیسرے باؤلر ہیں۔