ویرات کوہلی نے ورلڈ کپ کیریئر میں پہلی وکٹ حاصل کرلی

Published On 12 November,2023 09:36 pm

بنگلورو: (ویب ڈیسک) بھارتی لیجنڈ بلے باز ویرات کوہلی نے نیدرلینڈز کیخلاف میچ میں اپنے ورلڈ کپ کیریئر کی پہلی وکٹ حاصل کرلی۔

بنگلورو کے ایم چنا سوامی سٹیڈیم میں بھارت اور نیدرلینڈز کے درمیان ورلڈ کپ کے آخری لیگ میچ میں ویرات کوہلی نے بھی بولنگ کرائی۔

میچ کے 25 ویں اوور میں انہوں نے نیدرلینڈز کے کپتان سکاٹ ایڈروڈز کو وکٹ کیپر کے ایل راہول کے ہاتھوں کیچ آؤٹ کراکر اپنے ورلڈ کپ کیریئر کی پہلی وکٹ حاصل کرلی۔

اس موقع پر انکی اہلیہ معروف بھارتی اداکارہ انوشکا شرما بھی میچ دیکھنے کیلئے سٹیڈیم میں موجود تھیں جو اپنے شوہر کو وکٹ ملنے پر خوشی سے نہال نظر آئیں۔ 

Advertisement