دبئی: (دنیا نیوز) بھارت کے پاکستان نہ آنے کے معاملے کے باعث آئی سی سی چیمپئنز ٹرافی کے شیڈول کا اعلان تاخیر کا شکار ہو گیا۔
ذرائع کے مطابق آئی سی سی چیمپئنز ٹرافی کے شیڈول کا اعلان 11 نومبر کو ایک تقریب کے ذریعے کیا جانا تھا مگر اب اس تقریب کو منسوخ کر دیا گیا۔
ذرائع کا بتانا ہے کہ آئی سی سی چیمپئنز ٹرافی کے شیڈول کا اعلان تاخیر کا شکار ہو گیا ہے کیونکہ میزبان (پاکستان) اور دیگر ممالک کے درمیان اس معاملے کے لئے بات چیت جاری ہے۔
یاد رہے کہ گزشتہ دنوں بھارتی میڈیا کی جانب سے دعویٰ کیا گیا تھا کہ بھارتی ٹیم آئی سی سی چیمپئنز ٹرافی کیلئے پاکستان نہیں جائے گی، بھارت اپنے میچز نیوٹرل وینیو پر کھیلنے کا خواہاں ہے۔
بعد ازاں بھارتی کرکٹ بورڈ نے بھی پی سی بی کو ٹیم کو پاکستان نہ بھجوانے کے حوالے سے آگاہ کردیا تھا۔
