بلاوائیو: (دنیا نیوز) زمبابوے کیخلاف ٹی 20 سیریز کیلئے پاکستان ٹی 20 سکواڈ میں شامل کھلاڑی زمبابوے کے شہر بلاوائیو پہنچ گئے ۔
قومی ٹی 20 سکواڈ میں شامل کھلاڑی عثمان خان، سفیان مقیم، صاحبزادہ فرحان، عرفات منہاس، عمیر بن یوسف اور قاسم اکرم براستہ دبئی بلاوائیو پہنچے ۔
پاکستان ٹی 20 ٹیم کے کپتان سلمان علی آغا ، حارث روف، حسیب اللہ، محمد حسنین، عرفان خان، طیب طاہر ،صائم ایوب، ابرار احمد، عامر جمال، جہانداد خان، عباس آفریدی پہلے سے بلاوائیو موجود ہیں ۔
پاکستان ون ڈے سکواڈ کے کپتان محمد رضوان، عبداللہ شفیق، کامران غلام اور فیصل اکرم آج زمبابوے سے وطن واپس روانہ ہو گئے۔
واضح رہے کہ پاکستان اور زمبابوے کے درمیان تین ٹی 20 میچوں کی سیریز کا پہلا میچ یکم دسمبر کو کھیلا جائے گا۔
