لاہور:(دنیا نیوز) پاکستان سپر لیگ (پی ایس ایل) 10 کی ٹرافی کی رونمائی ملک کے مختلف علاقوں میں جاری ہے۔
پاکستان کرکٹ بورڈ (پی سی بی) کے مطابق آج پی ایس ایل کی ٹرافی کی رونمائی کراچی کے مقامی فریئر ہال میں کی گئی۔
کل سے ٹرافی 2 روزہ دورے پر لاہور کے مختلف مقامات پر جائے گی جہاں کل رات 8:30 بجے پیکجز مال میں رونمائی ہوگی،اس کے بعد کس شہر میں جائے گی اس حوالے سے پاکستان کرکٹ بورڈ نے ابھی تک کوئی شیڈول جاری نہیں کیا۔
واضح رہے کہ پی ایس ایل کی ٹرافی کی رونمائی اس سے قبل حیدرآباد میں ہوئی، جہاں مقامی سکول کے بچوں نے استقبال کیا، پی ایس ایل 10 کی ٹرافی کو لومینارا کا نام دیا گیا ہے۔
