کراچی: (ویب ڈیسک) معروف غیر ملکی پریزینٹر ایرن ہالینڈ نے بھی کراچی میں خالی سٹیڈیم کو دیکھ کر دُکھ کر اظہار کر دیا۔
گزشتہ روز نیشنل بینک سٹیڈیم میں کراچی کنگز اور ملتان سلطانز کی ٹیمیں مدمقابل آئیں، رضوان کی 105 رنز کی اننگز کی بدولت کنگز کو 235 رنز کا ہدف ملا تاہم حریف ٹیم کے بیٹر جیمز ونس نے 43 گیندوں پر 14 چوکوں اور 4 چھکوں کی مدد سے 101 رنز کی اننگز کھیل ڈالی اور ملتان سلطانز سے فتح چھین لی۔
میچ کے بعد تقریب کے دوران انگلش کرکٹر روی بوپارا اور عروج ممتاز کے ساتھ گفتگو کرتے ہوئے معروف پریزینٹر ایرن ہالینڈ نے کراچی کے شائقین کرکٹ سے درخواست کی وہ اگلے میچ میں ان کی منتظر رہیں گی۔
اس موقع پر عروج ممتاز نے بھی کراچی کے میچ میں تماشائیوں کی عدم دلچسپی پر پریشانی اور دُکھ کا اظہار کیا، ان کا کہنا تھا کہ ہمیں امید ہے اہم میچز میں شہر قائد کے باسی سٹیڈیم کا رخ کریں گے۔
