کوئٹہ: (دنیا نیوز) کسٹم نے کوئٹہ میں کارروائی کرتے ہوئے سمگلنگ کی کوشش ناکام بنا دی، نان کسٹم پیڈ گاڑیوں کے خلاف کاروائی کرتے ہوئے اندرون ملک اسمگل کرنے والے دو ملزمان گرفتارکر لیے۔
بلوچستان کسٹم کا نان کسٹمز پیڈ گاڑیوں کےخلاف کریک ڈاؤن جاری ہے، ترجمان کسٹم کے مطابق لک پاس چیک پوسٹ پر چیکنگ کے دوران 3 نان کسٹمز پیڈ گاڑیاں قبضے میں لے لیں جن میں دو عدد کرولہ اقوا اور ایک عدد سوزوکی پسنجر وین شامل ہیں جو اندرون ملک اسمگل کرنے کی کوشش کی جا رہی تھی۔ گاڑیوں کے ساتھ 2 افراد کو بھی گرفتار کیا گیا جنکے خلاف مقدمہ درج کر دیا گیا ہے۔
