کراچی: (دنیا نیوز) رینجرز اور پولیس نے خفیہ اطلاع پر کراچی کے علاقے پٹیل پاڑہ میں مشترکہ کارروائی کے دوران ڈکیتی و رہزنی کی 200 سے زائد وارداتوں میں ملوث ملزم گرفتار کر لیا۔
رینجرز اور پولیس نے پٹیل پاڑہ میں چھاپہ مار کر ملزم عقیل احمد عرف کسوڑا کو گرفتار کر لیا، ترجمان رینجرز کے مطابق ملزم کے قبضے سے چوری کی موٹر سائیکل بھی برآمد ہوئی ہے۔ ملزم اور اس کے ساتھیوں نے پی ای سی ایچ ایس میں رواں اپریل میں کار سوار شخص سے موبائل فون چھینا تھا،اس واردات کی سی سی ٹی وی فوٹیج بھی منظر عام پر آئی تھی،فوٹیج میں ملزم کو ساتھیوں کے ساتھ شہری کو لوٹتے دیکھا گیا۔
ملزم عادی جرائم پیشہ اور کئی بار جیل جا چکا ہے، ملزم کے دیگرساتھیوں کی گرفتاری کے لیے چھاپے مارے جا رہے ہیں، ملزم کو مزید تفتیش کیلئے پولیس کے حوالے کردیا گیا۔
