بھیرہ: (دنیا نیوز) نامعلوم افراد نے فائرنگ کر کے مقدمہ کے مدعی کو قتل کر دیا۔
تفصیلات کے مطابق سرگودھا کی تحصیل بھیرہ میں مقتول شیرا اپنے بھائیوں کے مقدمہ قتل کی پیشی سے واپس آ رہا تھا نامعلوم افراد نے خان محمد والا کے قریب فائرنگ کر دی۔ جس کے باعث وہ موقع پر ہی جاں بحق ہوگیا۔
نواحی قصبہ اچراں کا مقتول شیرا 3 ماہ قبل قتل ہونے والے اپنے 2 بھائیوں کے مقدمہ قتل کا مدعی تھا، مقتول کی لاش پوسٹ مارٹم کے لئے تحصیل ہسپتال بھیرہ منتقل کر دی گئی۔
