کراچی: (دنیا نیوز) عید کے روز بھی قربانی کے جانوروں کی چوری کا سلسلہ نہ تھم سکا، صفورہ گوٹھ کے قریب دو ملزمان نے پلاٹ سے اسی ہزارروپے مالیت کا بکرا چرا لیا۔ واقعہ کی سی سی ٹی وی فوٹیج دنیا نیوز کو موصول ہو گئی۔
سی سی ٹی وی فوٹیج میں دیکھا جاسکتا ہے کہ دوملزمان دروازے کا تالہ توڑ کر پلاٹ میں داخل ہوئے اور باآسانی پلاٹ میں بندھا 80 ہزار روپے مالیت کا بکرا کھول کر لے گئے۔ ملزمان نے فرار ہونے سے پہلے باہر کی صورتحال کا جائزہ لیا۔
ذرائع کے مطابق واردات صفورا گوٹھ کے پلاٹ پر صبح ساڑھے چار بجے کے قریب ہوئی۔ علاقہ مکینوں نے واقعے کے حوالے سے پولیس کو اگاہ کردیا گیا جس کے بعد ملزمان تلاش شروع کردی گئی۔
