تازہ ترین
  • بریکنگ :- ملتان:صوبہ بنانےکیلئےہمارے پاس دوتہائی اکثریت نہیں،وزیر خارجہ
  • بریکنگ :- پیپلزپارٹی، ن لیگ دونوں جماعتوں کی قیادت کو خط لکھے،شاہ محمودقریشی
  • بریکنگ :- ابھی تک دونوں جماعتوں کی جانب سےجواب سامنےنہیں آیا،وزیر خارجہ
  • بریکنگ :- پیپلزپارٹی،ن لیگ جنوبی پنجاب صوبہ کیلئےبہت کچھ کرسکتےتھے،وزیر خارجہ
  • بریکنگ :- پیپلزپارٹی،ن لیگ صوبہ تودور،سیکرٹریٹ بھی نہ بناسکے،شاہ محمود قریشی
  • بریکنگ :- ہم نےسیکرٹریٹ بناکرجنوبی پنجاب صوبےکی بنیادرکھ دی،وزیرخارجہ
  • بریکنگ :- ملتان:اپوزیشن سےملکی ترقی ہضم نہیں ہورہی،شاہ محمودقریشی
  • بریکنگ :- تحریک انصاف کی حکومت آئینی مدت پوری کرےگی،وزیر خارجہ
  • بریکنگ :- ملتان: عام انتخابات اپنے وقت پر ہی ہوں گے،شاہ محمودقریشی
  • بریکنگ :- حکومتی پالیسیوں کوعالمی سطح پرسراہا جا رہا ہے،شاہ محمودقریشی
  • بریکنگ :- مہنگائی ہماری حکومت کیلئے بہت بڑا چیلنج ہے،شاہ محمودقریشی
  • بریکنگ :- مہنگائی کیخلاف جنگ لڑرہےہیں،جلد قابوپالیں گے،وزیر خارجہ
  • بریکنگ :- عمران خان کرپشن کےخاتمےپریقین رکھتے ہیں، شاہ محمودقریشی
  • بریکنگ :- سندھ میں بلدیاتی نظام پراپوزیشن جماعتوں کواعتراض ہے،وزیرخارجہ
  • بریکنگ :- جنوبی پنجاب صوبہ کاقیام تحریک انصاف کےمنشورکاحصہ ہے،وزیر خارجہ
  • بریکنگ :- پنجاب میں نئےبلدیاتی نظام سےعوام کوریلیف ملےگا،وزیرخارجہ

نور مقدم قتل کیس کا کوئی عینی شاہد نہیں ہے: اسلام آباد پولیس

Published On 22 July,2021 05:41 pm

اسلام آباد: (دنیا نیوز) اسلام پولیس حکام نے انکشاف کیا ہے کہ نور مقدم قتل کیس کا کوئی بھی عینی شاہد نہیں ہے۔ مقامی شہری کی اطلاع پر پولیس موقع واردات پر پہنچی اور ملزم کو گرفتار کیا۔

اسلام آباد میں میڈیا کو اہم بریفنگ دیتے ہوئے اس کیس کی تفتیش پر مامور ایس ایس پی انوسٹی گیشن عطا الرحمان نے کہا کہ اس واقعہ کے تمام فرانزک ثبوت اکھٹے کر لئے گئے ہیں۔ مقتولہ کی بڑی بے رحمی سے جان لی گئی۔

ان کا کہنا تھا کہ اطلاع ملتے ہی پولیس حرکت میں آئی اور ملزم کو موقع سے گرفتار کیا، اس سے تفتیش کی جا رہی ہے جبکہ اس کے 2 سیکیورٹی گارڈز کے بیانات بھی قلمبند کر لیے گئے ہیں۔

ایس ایس پی انوسٹی گیشن نے کہا کہ کیس کے حوالے سے مس انفارمیشن پھیلائی جا رہی ہے۔ ہمارا سارا فوکس واردات پر ہے۔

خیال رہے کہ گزشتہ روز اسلام آباد میں سابق سفیر شوکت مقدم کی بیٹی کے قتل کا مقدمہ درج کر لیا گیا تھا۔ بعد ازاں ڈیوٹی مجسٹریٹ نے ملزم کا 3 روز کا جسمانی ریمانڈ منظور کرکے اسے پولیس کے حوالے کر دیا تھا۔

ایف آئی آر کے مطابق مقدمہ قتل کی دفعہ 302 کے تحت درج کیا گیا۔ درخواست گزار کا کہنا تھا کہ 19 جولائی کو نور مقدم میری اور اہلیہ کی غیر موجودگی میں گھر سے نکلی تھی، رات کے وقت اطلاع ملی کہ نور دوستوں کے ساتھ لاہور جا رہی ہے۔ اس نے ایک دو دن میں واپس آنے کا کہا۔

یہ بھی پڑھیں: سابق سفیرکی بیٹی کا قتل،ملزم کیخلاف مقدمہ درج،3روزہ ریمانڈ پرپولیس کےحوالے

ایف آئی آر کے متن کے مطابق ظاہر جعفر کا فون آیا کہ نور اس کے ساتھ نہیں ہے۔ رات کو تھانہ کوہسار سے کال آئی کہ نور مقدم کا قتل ہو گیا ہے۔ وہاں پہنچا تو میری بیٹی کا گلہ کٹا ہوا تھا۔ پولیس نے گرفتار ملزم کو ڈیوٹی مجسٹریٹ کے سامنے پیش کیا، عدالت نے ملزم کا تین روز کا جسمانی ریمانڈ منظور کرلیا۔

دوسری جانب گزشتہ روز آئی جی اسلام آباد قاضی جمیل الرحمان نے سینئر افسران کے ہمراہ جائے وقوعہ کا معائنہ کیا اور اب تک کی جانے والی تحقیقات کی پیشرفت کا جائزہ لیا۔

انھیں بتایا گیا کہ تفتیش کے لئے خصوصی ٹیم تشکیل دے دی گئی ہے۔ اس تفتیشی ٹیم میں ایس ایس پی انوسٹی گیشن، ایس پی سٹی زون، اے ایس پی کوہسار، ایس ایچ او کوہسار اور انوسٹی گیشن آفیسر کوہسار شامل ہیں۔

آئی جی اسلام آباد کو بتایا گیا کہ قتل کے وقوعہ میں ملوث ملزم ظاہر جعفر کا 3 دن کا جسمانی ریمانڈ حاصل کرکے مزید تفتیش شروع کر دی گئی ہے۔

آئی جی اسلام آباد نے تفتیشی ٹیم کو حقائق پر مبنی اور قانون کے مطابق سختی سے تحقیقات کرنے کی ہدایت کی ہے۔