تازہ ترین
  • بریکنگ :- نوشہروفیروز:بھریاسٹی میں ووٹرزکےدرمیان تصادم
  • بریکنگ :- نوشہروفیروز:پولنگ کچھ دیرکیلئےروک دی گئی،پولیس کی اضافی نفری طلب

کراچی: نجی سکیورٹی کمپنی کا وین ڈرائیور 20 کروڑ روپے لے کر فرار

Published On 11 August,2021 11:49 am

کراچی: (دنیا نیوز) کراچی میں چوری کی ایک اور بڑی واردات، شہرقائد کی مصروف ترین شاہراہ آئی آئی چندریگر روڈ پر نجی سکیورٹی کمپنی کا وین ڈرائیور 20 کروڑ روپے لے کر فرار ہو گیا۔

پولیس حکام کے مطابق آئی آئی چندریگر روڈ پر گارڈز کچھ رقم لے کر نیچے اترے تو ڈرائیور وین لے کر فرار ہوا، نجی سکیورٹی کمپنی طارق روڈ سے بینک کی رقم پہنچانے کے لیے روانہ ہو رہی تھی، وین میں 20 کروڑ روپے کی رقم موجود تھی۔

ڈرائیور وین کو مسکین گلی میں چھوڑ کر رقم لے کر فرار ہوگیا، میٹھادر پولیس نے واردات کا مقدمہ درج کرکے ڈرائیور کی تلاش شروع کر دی جبکہ متاثرہ کمپنی کے ملازمین سے بھی ڈرائیور سے متعلق پوچھ گچھ کی جارہی ہے۔