تازہ ترین
  • بریکنگ :- ملک بھرمیں 24 گھنٹےکےدوران کوروناسےمزید9 اموات
  • بریکنگ :- ملک بھرمیں کوروناسےجاں بحق افرادکی تعداد 28 ہزار 793 ہوگئی
  • بریکنگ :- 24 گھنٹےکےدوران 43 ہزار 503 کوروناٹیسٹ کیےگئے،این سی اوسی
  • بریکنگ :- 24 گھنٹےمیں کوروناکےمزید 310 کیس رپورٹ،این سی اوسی

رائیونڈ میں خاتون کو اجتماعی زیادتی کا نشانہ بنادیا گیا، 2 روز بعد مقدمہ درج

Published On 27 August,2021 07:09 pm

لاہور: (دنیا نیوز) خواتین سے زیادتی کے واقعات پر قابو نہ پایا جاسکا۔ لاہور کے علاقہ رائے ونڈ میں گھرو ں میں کام کرنے والی خاتون کو اجتماعی زیادتی کا نشانہ بنادیا گیا۔ پولیس نے 2 روز بعد واردات کا مقدمہ درج کرلیا ۔۔

گھروں میں کام کرنے والی خاتون سے اجتماعی زیادتی کی واردات سامنے آگئی۔ متاثرہ خاتون کی مدعیت میں واقعہ کے 2 روز بعد مقدمہ درج کیا گیا، ایف آئی آر کے متن کے مطابق خاتون خیابان امین روڈ پر پیدل آرہی تھی کہ نامعلوم شخص نے لفٹ کے بہانے موٹر سائیکل پر بٹھایا اور گھر میں ملازمہ کی ضرورت کے حوالے سے موبائل نمبر مانگا۔

اگلے روز نامعلوم شخص نے فون کر کے رائیونڈ بلایا ،خاتون وہاں پہنچی تو وہ شخص موٹر سائیکل پر بیٹھا کر کسی مکان میں لے گیا، مکان میں پہلے سے ایک اور شخص بھی موجود تھا،دونوں ملزمان نے اجتماعی طور پر زیادتی کا نشانہ بنایا ۔۔ خاتون نے فون کر کے خاوند کو واقعہ کی اطلاع دی،جو موقع پر آگیا۔

ملزمان نے خاوند کو بھی تشدد کا نشانہ بنایا، پولیس کو ون فائیو پر اطلاع دی، پولیس موقع پر پہنچ گئی تاہم ملزمان کو گرفتار نہ کیا جاسکا۔