تازہ ترین
  • بریکنگ :- نوشہروفیروز:بھریاسٹی میں ووٹرزکےدرمیان تصادم
  • بریکنگ :- نوشہروفیروز:پولنگ کچھ دیرکیلئےروک دی گئی،پولیس کی اضافی نفری طلب
  • بریکنگ :- کندھ کوٹ:جے یو آئی (ف) اور پیپلزپارٹی کےکارکنوں میں جھگڑا
  • بریکنگ :- کندھ کوٹ:تصادم کاواقعہ میونسپل کمیٹی وارڈنمبر 10 میں پیش آیا
  • بریکنگ :- کندھ کوٹ:ڈنڈےلگنےسے 30 کارکن زخمی،متعددگاڑیوں کونقصان
  • بریکنگ :- کندھ کوٹ:پولیس کی بھاری نفری موقع پر پہنچ گئی

گوجرانوالہ:بدبخت باپ جوئے میں 21سالہ بیٹی ہار گیا،55سالہ شخص سے زبردستی نکاح کروادیا

Published On 11 October,2021 05:47 pm

گوجرانولہ :(دنیا نیوز)تھانہ گکھڑ کے علاقہ میں بدبخت باپ جوئےمیں 21 سالہ بیٹی ہار گیا اور 55سالہ شخص سے زبردستی نکاح کروادیا جبکہ ملزم لڑکی کو تشدد کا نشانہ بناتا رہا جس کے خلاف مقدمہ درج کرلیا گیا ہے۔

ذرائع کے مطابق صوبہ پنجاب کے شہر گوجرانوالہ میں ملزم طارق کرکٹ میچ پر 10 لاکھ روپے سے زائد رقم ہار گیا تھا جس کے بعد ملزم نے اپنی 21 سالہ بیٹی کا نکاح زبر دستی 55 سالہ جواریے سے کر دیا۔

دلہن کی والدہ کے مطابق شادی کی پہلی رات ہی دولہا نے دلہن سے جوا میں جیتنے کا انکشاف کر دیا جبکہ بیٹی کو داماد پہلی رات تشدد کا نشانہ بناتا رہا،بچی کے چہرہ پر زخموں کے واضع نشانات ہیں۔

متاثرہ لڑکی کی والدہ نے ذرائع سے گفتگو کرتے ہوئے مزید کہا کہ بچی نے گھر آنے کے بعد واپس جانے سے انکار کیا تو ملزمان نے تشدد کا نشانہ بنایا،ملزمان نے تشدد کر کے ماں کا بازو توڑ ڈالا اور بچی کو زبردستی اٹھا لے گئے جبکہ تھانہ گکھڑ پولیس نے مقدمہ درج کر کے کارروائی شروع کر دی ہے۔