تازہ ترین
  • بریکنگ :- قلات:دستی بم حملےمیں ڈیوٹی پرمامور 2لیویزاہلکارزخمی،ذرائع
  • بریکنگ :- ڈیرہ بگٹی: کاہان میں پولنگ اسٹیشن پر 3 راکٹ فائر
  • بریکنگ :- گولےگرنےسےکوئی جانی نقصان نہیں ہوا،لیویزذرائع
  • بریکنگ :- قلات:میونسپل کمیٹی انٹرکالج پولنگ اسٹیشن پردستی بم حملہ،لیویزذرائع

کراچی: ڈکیتوں نے ایک اور ڈلیوری بوائے کو لوٹ لیا، فیڈرل بی ایریا میں شہری قیمتی اشیاء سے محروم

Published On 13 October,2021 12:34 pm

کراچی: (دنیا نیوز) کراچی میں اسٹریٹ کرائم کی وارداتیں بڑھنے لگیں، لائنز ایریا میں ڈکیتوں نے ایک اور ڈلیوری بوائے کو لوٹ لیا.دوسری جانب فیڈرل بی ایریا بلاک 18 میں بھی ڈکیتی کی واردات کے دوران شہری کو قیمتی اشیاء سے محروم کر دیا۔

کراچی سے اسٹریٹ کرائم کا خاتمہ خواب بن گیا۔ شہریوں کی زندگیاں اور قیمتی اشیا کرمنلز کے رحم و کرم پر ہیں۔ لائنز ایریا میں ڈکیتوں نےفوڈ ڈلیوری بوائے کو اسلحے کے زور پر لوٹ لیا۔ نوجوان گھر میں کھانا پہنچانے آیا تھا لیکن دوموٹرسائیکل سوار اسٹریٹ کرمنلز کا نشانہ بن گیا۔ ملزمان سیکنڈوں میں نوجوان کو لوٹ کر فرار ہوگئے۔

ادھر فیڈرل بی ایریا بلاک 18 میں تین مسلح ملزم موٹرسائیکل پر گھر کے باہر موجود 3 شہریوں کو لوٹنے پہنچے، ڈاکووں نے دو شہریوں کو اسلحہ کے زور پر لوٹا، ساتھ ہی شہری پر تشدد کیا۔

پلٹ کر شہری نے بھی ڈاکو کو تھپڑ رسید کردیا۔ اناڑی ملزم سے فرار ہوتے ہوئے گولی بھی چل گئی۔ شہریوں نے بڑھتی وارداتوں پر اسٹریٹ کرمنلز کیخلاف موثر کارروائی کا مطالبہ کیا ہے۔