کوئٹہ: (دنیا نیوز) مستونگ ببری کے قریب مسلح افراد نے چیک پوسٹ پر حملہ کر کے 2 لیویز اہلکاروں کو شہید کر دیا۔
مسلح افراد نے کوئٹہ تفتان قومی شاہراہ پر واقعہ لیویز چوکی کو نشانہ بنایا، حملے میں شہید ہونے والے اہلکاروں میں منظور احمد اور محمد اسلم شامل ہیں۔
مسلح افراد لیویز اہلکاروں کا اسلحہ بھی ساتھ لے گئے، شہید اہلکاروں کی لاشوں کو ہسپتال منتقل کر دیا گیا جبکہ فورسز نے ناکہ بندی کرکے ملزمان کی تلاش شروع کر دی ہے۔
