کراچی : ( دنیا نیوز ) انسداد دہشتگردی ڈیپارٹمنٹ ( سی ٹی ڈی ) نے گلستان جوہر میں کارروائی کرتے ہوئے 2 ملزمان کو گرفتار کر لیا۔
سی ٹی ڈی حکام کے مطابق کارروائی کے دوران گرفتار کئے جانے والے دونوں ملزمان قتل، اقدام قتل اور سٹریٹ کرائمز کی متعدد وارداتوں میں ملوث ہیں۔
حکام نے بتایا کہ گرفتار ملزمان کی شناخت بلال اور عابد زمان کے ناموں سے ہوئی ہے جبکہ ملزمان نے گلستان جوہر میں ڈکیتی کے دوران مزاحمت پر کار سوار شہری کو قتل کیا تھا۔
حکام نے مزید بتایا کہ دونوں ملزمان کو مزید تفتیش کے لئے متعلقہ پولیس کے حوالے کر دیا گیا ہے۔
