پشاور: (دنیا نیوز) پشتخرہ سے گاڑی کے اندر مردہ حالت میں ملنے والے شخص کی شناخت ہو گئی، متوفی کی شناخت مختیار احمد کے نام سے ہوئی جو اسلام آباد پولیس میں ملازم تھا۔
تفصیلات کے مطابق دو روز قبل پولیس کو کلٹس گاڑی سے نعش ملی تھی جس کے ساتھ مشکوک ادویات بھی برآمد ہوئیں، متوفی کے جسم پر کوئی ظاہری نشانات نہیں تھے جبکہ منہ سے جھاگ بہہ رہا تھا۔
ایس پی کینٹ وقاص رفیق کے مطابق متوفی 17 تاریخ سے اسلام آباد سے لاپتہ تھا، اسلام آباد پولیس نے اغوا کا مقدمہ درج کر رکھا تھا، نعش پوسٹمارٹم کیلئے بھجوائی جا چکی، رپورٹ آنے پر موت کی وجوہات کا علم ہو گا۔
