منچن آباد: (دنیا نیوز) منچن آباد میں ایک شخص کو تشدد کر کے موت کے گھاٹ اتار دیا گیا، عارف والا میں سسرالیوں کی جانب سے بہو سے مار پیٹ کا واقعہ سامنے آیا ہے۔
تفصیلات کے مطابق منچن آباد کے نواحی علاقے میں نہر سے ایک شخص کی نعش برآمد ہوئی جسے تشدد کے ذریعے جان سے مارا گیا، اطلاع ملنے پر پولیس کی نفری موقع پر پہنچ گئی اور لاش کو تحویل میں لے کر ضروری کارروائی کیلئے ہسپتال منتقل کر دیا۔
دوسری جانب عارف والا میں سسرالیوں کی جانب سے بہو کو تشدد کا نشانہ بنانے کا واقعہ سامنے آیا ہے، شوہر نے اپنی ماں اور بہن کے ساتھ مل کر بیوی کو وحشیانہ طریقے سے مارا پیٹا جس کے نتیجے میں خاتون زخمی ہو گئی، واقعے کی اطلاع پر پولیس نے شوہر کو گرفتار کر لیا۔
