کبیر والا: (ویب ڈیسک) کبیروالا میں لاپتہ ہونے والی خاتون کی لاش گھر سے برآمد ہوگئی۔
خاتون ایک ماہ سے لاپتہ تھی، خاتون کی لاش اس کے اپنے ہی گھر سے برآمد ہوئی، جس کے بعد یہ انکشاف ہوا کہ اس کی بیٹے کی بیوی (بہو) اور پوتے نے مل کر خاتون کو قتل کر کے گھر میں دفن کر دیا تھا۔
پولیس کے مطابق خاتون کی گمشدگی کی رپورٹ پوتے کی جانب سے درج کرائی گئی تھی جس میں کہا گیا تھا کہ اس کی دادی اچانک لاپتہ ہو گئی ہے، تاہم پولیس نے تفتیش کا دائرہ وسیع کرتے ہوئے اس گمشدگی کے معاملے کی گہرائی سے تحقیقات کیں جس کے نتیجے میں قتل کا کیس سامنے آیا۔
پولیس کے مطابق خاتون کی بہو نے اپنے بیٹے کے ساتھ مل کر گلا دبا کر اپنے شوہر کی والدہ (ساس) کو قتل کیا تھا اور اس کی لاش کو گھر میں ہی دفن کر دیا تھا تاکہ کسی کو شک نہ ہو۔
