کرائم
خلاصہ
- شکارپور:(دنیا نیوز) سندھ کے ضلع شکار پور کے کچے میں کلوڑا اور جتوئی برادری کے درمیان فائرنگ کے نتیجے میں دو افراد جاں بحق جبکہ تین زخمی ہوگئے۔
پولیس کے مطابق فائرنگ کی زد میں دریا میں چلنے والی کشتی بھی آگئی جس میں سوار آصف مہر نامی شخص موقع پر جاں بحق ہوگیا جبکہ تین افراد زخمی ہوئے۔
دوسری جانب فائرنگ کے تبادلے میں جتوئی برادری کا ایک شخص بھی جاں بحق ہوا۔
مزید برآں پولیس کا کہنا تھا کہ کچے کا علاقہ ہونے کے باعث جائے وقوعہ تک پہنچنے میں دشواری کا سامنا ہے، واقعے کی مزید تحقیقات جاری ہیں۔
