کرائم
خلاصہ
- لاہور: (دنیا نیوز) آئی جی پنجاب عبدالکریم کی زیر صدارت اردل رومز میں اختیارات سے تجاوز، کرپشن اور سرکاری امور میں غفلت ثابت ہونے پر 10 ڈی ایس پیز کو مختلف سزائیں سنا دی گئیں، 3 ڈی ایس پیز کو معطل کر دیا گیا۔
ترجمان پنجاب پولیس کے مطابق ایک ڈی ایس پی کو سینئر ٹریفک وارڈن کے عہدے پر تنزلی کی سزا سنائی گئی جبکہ 2 ڈی ایس پیز کی تین مراحل میں تین سال کے لیے تنخواہ میں کٹوتی کی گئی۔
اسی طرح 2 ڈی ایس پیز کو انکریمنٹ منسوخی کی سزائیں سنائی گئیں جبکہ 3 ڈی ایس پیز کو دیگر معمولی سزائیں دی گئیں۔
آئی جی پنجاب عبدالکریم نے کہا کہ بدعنوانی، اختیارات سے تجاوز، غفلت اور لاپرواہی ہرگز برداشت نہیں کی جائے گی، اختیارات سے تجاوز اور ضابطہ اخلاق کی خلاف ورزی کے مرتکب افسران و اہلکاروں کا کڑا احتساب ہوگا۔
